બાળકો ગભૉવસ્થામાં જ ચહેરાના હાવભાવ શીખે છે

 

 

હોઠ ખોલબંધ કરવા, નાક મચકોડવું કે પછી ભ્રમરો ઊંચી-નીચી કરવી જેવા હાવભાવ નવજાત બાળકો ગર્ભમાં હોય ત્યારે જ શીખી જતા હોય છે અને ગર્ભનો વિકાસ થતો જાય એમ ચહેરાના આ હાવભાવ વધારેને વધારે જટિલ બનતા જાય છે તેમ યુકેની દુરહામ યુનિવર્સિટીના સંશોધકોએ જણાવ્યું હતું. બાળક ગભૉવસ્થામાં કેટલીક બાબતો શીખી જતું હોય છે એ વાત જાણીતી છે પરંતુ તે ચહેરાના હાવભાવ પણ કરી શકતું હોવાનું સૌપ્રથમ વખત જાણવા મળ્યું છે.

૨૪ અને ૩૫ મહિનાના બે ગર્ભની તસવીરો પાડીને સંશોધકોની આ ટીમે ચહેરાના હાવભાવો સાથે સંકળાયેલી બાળકોની વિવિધ ગતિવિધિની નોંધ કરી હતી. વિજ્ઞાનીઓએ ગર્ભમાં બાળકના ચહેરના ૧૯ પ્રકારનાં હલનચલન નોંધ્યા હતા એટલું જ નહિ પરંતુ આ હાવભાવો બાળકનાં રૂદન અને હાસ્ય પ્રમાણે અલગ અલગ હતા.

અભ્યાસ માટે ૪-ડી અલ્ટ્રાસાઉન્ડ ઈમેજીસનો ઉપયોગ કરવામાં આવ્યો હતો. સંશોધનમાં જણાયું કે, બાળક ગર્ભમાં ૨૪મા મહિનાથી ચહેરાના હાવભાવ શરૂ કરે છે. સૌપ્રથમ તે હોઠ પહોળા કરે છે અને અઠવાડિયા વધતાં જાય એમ અન્ય ભાવો પણ જોઈ શકાય છે. આશરે ૩૫મા અઠવાડિયે બાળક ત્રણથી ચાર હાવભાવ કરી શકે છે